Inhlanganiso emela abalimi abamhlophe elizweni i Justice for Agriculture (JAG) ithi izakhweza udaba lwamalunga ayo aphikisa ukuthathelwa amapulazi awo nguhulumende phansi kohlelo lokwaba kutsha umhlabathi kumthethwandaba we SADC Tribunal.
Lumthethwandaba ukhangelelwe ukuqala ukuhluza udaba lukaMnu Michael Campbell kuviki ezayo mhlaka 20 eWindoek, Namibia. UMnu Campbell ngumlimi weZimbabwe olepulazi eliseChegutu elifuna ukuthathwa nguhulumende. IJAG yona ithi kungehlula kulumthethwandaba izakhweza udaba lwayo njalo ku African Commission on Human and People’s Rights.
Kulabalimi abalitshumi abamhlophe abase udaba lwabo labo emthethwandaba we France kuviki edluleyo befuna ukuhlawulwa ngokuthathelwa amapulazi abo. Kodwa ingcwethi kwezombusazwe uMnu Zenzo Nkomo uthi ngokumazi uMugabe kaboni kulomethwandaba ongambamba ngamandla ukuthi ebuyisele umhlabathi kubalimi laba kumbe ebahlawule.