Umongameli Robert Mugabe izolo uthwalise gadalala ozoqala umsebenzi wokumela iAustralia eZimbabwe uMnu Charles John Hadgeson ngodaba lobudlelwano obubi obuphakathi kwamazwe la womabili.
UMugabe ubikwa etshele uMnu Hadgeson ukuthi ulethemba uMnu. Hadgeson ulande ukuzosebenza ngemfanelo hatshi ukuzongenela kwezombusazwe lokuthi uyamangala ukuthi kungani iAustralia isola umbuso wakhe yona isephula ilungelo loluntu ukwedlula uhulumende wakhe.
Umongameli Mugabe ubikwa ephethe njalo udaba lokuxotshwa kwabantwana beziphathamandla zeZanu PF eAustralia wasola lelilizwe kakhulu esithi likwenza ngenjongo yokuthabisa eleBhilithani. Sibelengxoxo loMnu Remember Moyo umkhokheli wenhlanganiso ye Zimbabwe Action Group elohlelo lokukhuthaza uhulumende weSouth Africa ukuthi axotshe abantwana beziphathamandla zeZanu PF eSouth Africa ngodaba lolu.
UMoyo yena uthi lanxa kulokwephulwa kwelungelo loluntu e Australia, kungcono kulokwenzakala eZimbabwe.