Inkulumo zokukhumisana umlotha phakathi kwamacele omabili eMDC lebandla elibusayo le ZANU PF ziqhubekela phambili Kwele South Africa. UMongameli Thabo Mbeki izolo wedlule eZimbabwe lapho ahlangane khona loMongameli Robert Mugabe labakhokheli bamacele e MDC uMnumzana Arthur Mutambara lo Morgan Tsvangirai ebazisa ngengqubela phambili yalezinkulumo.
Ubikwa ekhuthaze abakulezinkulumo ukuthi kumele bazigqibe ekuqaleni kwenyanga ezayo. Ibandla leZANU PF lecele leMDC elikhokhelwa ngu Mutambara lithi liyasuthiseka ngenkulumo lezi, kodwa elika Tsvangirai liyakhonona lisithi inkulumo seziphuzile, lisethusela lokuthi lingacina lingasangeni kukhetho.
Ukuze sizwe imibono kazulu ngodaba lolu, iStudio 7 iye kumnumzana Clemence Sibanda oyingcwethi kwezenotho, othi ulethemba lokuthi inkulumo lezi zizalungisisa okuhluphayo elizweni njalo zizakwenza ukuthi kuqhutshwe ukhetho olukhululekileyo.