amalinks wokungena

Breaking News

Kwethulwa Ibudget Yomnyaka Ozayo Kodwa Isolwa Ngabanengi.


Umphathintambo wezemali uMnu Samuel Mbengegwi wethule uluhlu lwendleko kahulumende eyomnyaka ozayo -i budget .

UMbengegwi uveze ukuthi umnotho welizwe ukhangelelwe ukuthuthuka ngesilinganiso sokune ekhulwini- 4% ngomnyaka ozayo kuthi i inflation yona, yehle isuka kubonkulungwane ezithoba minwe mbili ekhulwini 8, 000% iye kunkulungwane phose ezimbili 1, 978%. UMbengegwi uthi umnotho uzathuthuka ngoba ilizwe likhangelele ukuba lesivuno esiphezulu kakhulu lonyaka nanku uhulumende ephakathi kokupha uzulu amakhuba okulimisa.

Amalunga amanengi ebandla leMDC ahle aphuma uMbengegwi engakaqedi ukwethula ibudget yakhe le esithi iyinhlekisa ngoba ingasoze incede ekulungisiseni umnotho. UNtungamili Nkomo weStudio 7 ube lengxoxo lomeli weGlen Norah edaleni lephalamende ekucele leMDC elikhokhelwa nguMnumzana Arthur Mutambara , uNkosikazi Priscillar Misihayirambwi othi njengebandla bayayisola kakhulu libudget.

Kunjalonje uNtungamili uphinde waba lengxoxo losomabhizimuzi njalo ecubungula ezenotho uMnu Mandlenkosi Gatsheni othi laye uyayisola ibudget le ngoba ingavezanga ukuthi kanti vele uhulumende uzalungisisa njani ukonakala komnotho.

Ezinye Indaba ZeStudio 7...

XS
SM
MD
LG