amalinks wokungena

Breaking News

UMugabe Ufika ELisbon kwele Portugal


UMongameli Robert Mugabe ufikile lamuhla eLisbon kwele Portugal, ngaphambilini komhlangano we EU/AU Summit oqalisa kuwonalo uMgqibelo.

Amehlo kazulu, akhangele kweleZimbabwe kulandela ingxabangxoza ekhona ngodaba lokuthi uMugabe ngabe wanxuswa yini kumbe hatshi.

Kunjalo-nje abalwela amalungelo oluntu emazweni abikwa esephula amalungelo kazulu agoqela ele Zimbabwe, ele Ethiopia lele Democratic Republic of Congo bebelomhlangano lentathelizindaba lamuhla e Lisbon kwele Portugal.

Obemele iZimbabwe kulumhlangano, uDokotela Primrose Matambanadzo, ilunga lenhlanganiso ye Zimbabwe Doctors for Human Rights, utshele uSithandekile Mhlanga we studio 7 ukuthi ukhulume kabanzi ngenhlupho eziselizweni ezigoqela ezombusazwe kanye lezempilakahle.

Kunjalo-nje, umkhokheli we ZINASU, uPromise Mkhwananzi, laye okulo umhlangano, utshele uSithandekile Mhlanga we studio 7 ukuthi kulokuphithizela e Lisbon, kumelelwe lo umhlangano.

Kunjalonje icele leMDC elikhokhelwa nguMnu Morgan Tsvangairai lamuhla lalo litshone liphatheke ngokuhlangana labameli bamazwe atshiyeneyo kwamanye amazwe, abagoqela abeBritain.

Icele leli lalo lithumele iqula kulumhlangano ukuyachasisela abenhlanganiso ezitshiyeneyo kanye lenkokheli yakwamanye amazwe ngodubo olukhona elizweni, kutsho umsekeli wesikhulumi salelicele unkosazana Thabitha Khumalo.

Ezinye indaba ze studio 7…

XS
SM
MD
LG