amalinks wokungena

Breaking News

Aqeda Impelaviki Yonke Evalelwe Esitokisini SeSakubva Amalunga EWoza


Kulamalunga eWoza emabili athi uNkosazana Magodonga Mahlangu loClara Manjengwa abalokhu bevalelwe esitokosini seSakubva eMutare.

Bobabili ngabanye beWoza ababotshwe izolo bephakathi kokwenza umhlangano eMutare bexoxa ngendaba eziphathelane lokuphila kwabantu ebunzimeni obukhona elizweni. Bekubotshwe abantu abangamatshumi amabili kodwa abanye bakhululwe izolo ngemva kokuhlawuliswa ifayindi.

Ababili laba babikwa bevalelwe ngoba balile ukubhadala limali. Esinye seziphathamandla seWoza uNolwandle Ncube uthi ababili laba kabakadli lutho lokhe bebotshwe izolo ngoba amapholisa esala ukuthi baphathelwe ukudla njalo lamagqhwetha abo alisiwe ukubabona.

Emthethwandaba khona bahambile baphenduswa kuthiwa baphuzile. Ngalokhu, umaNcube uthi kuthiwa uMahlangu loManjwengwa sebezamiswa emthethwandaba ngoMvulo.

Ezinye Indaba ZeStudio 7...

XS
SM
MD
LG