amalinks wokungena

Breaking News

Umhlangano weZimbabwe Diaspora Forum Usungulwa Kwele S.A.


Umhlangano omkhulu weZimbabwe Diaspora Forum obukhangelelwe ngabanengi uqalile ngolwesihlanu eJohannesburg abantu befika kancane-kancane bevela emazweni atshiyeneyo.

Ekhuluma leStudio 7 Umgcinisihlalo wenhlanganiso yeZimbabwe Diaspora Civic Society Organisations Forum uMnumnzana Daniel Molokele uthe ujabule kakhulu ukubona amaZimbabwe aphandle kwelizwe ebuthana ekwakheni iZimbabwe entsha. Uthe okuthokozisayo yikuthi lumhlangano uze waphumelela kungakhathalekile lenhlupho zemali abahlangene lazo kumalungiselelo.

Esinye isikhulumi kulo umhlangano uNkosikazi Violet Mariyacha utshele istudio 7 ukuthi amazwe wonke alezizalwane zeZimbabwe kufanele aziphe imvumo yokuphephela ukuze zisebenze bese zithuthukisa umnotho welizwe lazo. Usole kakhulu amazwe afana leBritain ngokwala ukwemukela labo abadinga ukuphephela.

UMthandazo Dube oze kulo umhlangano emele abaculi labanye abenza imisebenzi yamasiko lenhlalo kazulu, yena uthi ukumanyana yikho kuphela okuzaletha inguquko ezimbabwe. Uthe kulo umhlangano bazakhuthaza ukuthi abamabandla aphikisayo babanjwe ngamandla ukuvezela uzulu amacebo abalawo okuvuselela umnotho weZimbabwe.

Umhlangano lo ongenwa ngamanxusa avela enhlanganisweni ezibalisa eye Zimbabwe Diaspora Civic Organisations Forum, Zimbabwe Diaspora Development Chamber leye Global Zimbabwe, ukhangelelwe ukuqhubekela phambili ngoMqgibelo lapho ingxoxo zizagxila kwezamabhizimusi lomnotho welizwe.

Ezinye Indaba NgesiNdebele...

XS
SM
MD
LG