Umhlangano we EU-AU Summit usanda kuphela e Lisbon kwele Portugal nje, ingcwethi ezicubungula ezombusazwe zithi kungenzeka ukuthi umongameli uMugabe kanye lamazwe aphetsheya abenelisanga ukufeza izifiso zabo ngokugcweleyo njengoba udaba lweZimbabwe belungahlafunwa ngokusemthethweni kwele Portugal.
Lokhu kulandela ingxabangxoza ebikhona ngodaba lokuthi uMugabe anxuswe kumbe hatshi kulumhlangano kanye lokuthi udaba lweZimbabwe luhlafunwe kulumhlangano.
Ingcwethi ecubungula ezombusazwe, uMnu. Brian Kagoro, utshele uSithandekile Mhlanga we studio 7 ukuthi uMugabe engabe ezibona ephumelele ngoba amehlo wonke abeselizweni lakhe kulumhlangano.