Inengi lamalunga Ezanu PF lilubhekise e Harare emhlanganweni omkhulu oqala kusasa e City Sports Centre okhangelelwe ukuvumelana ukuthi uMongameli Robert Mugabe ancintise kukhetho oluzayo.
Kubikwa uMugabe ekhulume lekomiti yalelibandla enkulu eye Central Committee, kukanti eye Politburo ike yahlangana izolo icubungula umbiko wokufola kwababengabalweli bempi yenkululeko kanye lokulungiswa kwezigaba zalelibandla ezabelweni.
Ingcwethi ecubungula ezombusazwe, uMnu. Busani Ncube, utshele uSithandekile Mhlanga we studio 7 ukuthi kuyazakala ukuthi umhlangano lo ngowokukhukhumeza uMongameli Mugabe kuphela njalo awusoze uncede umuntu makhaza.