amalinks wokungena

Breaking News

Zilakho Ukutshabalala Inkulumo Eziphakathi kweMDc LeZanu PF


Inkulumo eziphakathi kweMDC leZanu PF zikhanya zilakho ukungaphumeleli kulandela ukwehluleka ukuvumelana phakathi kwamabandla la phezu kodaba lokuthi ukhetho lwenziwe nini lokuthi isisekelo sombuso esitsha silethwe ngemva kokhetho kumbe phambilini kwalo.

Ngempelaviki amaqula amabandla la ahlangane lomongameli Thabo Mbeki, ongumlamulankunzi womanyano weSADC kulezinkulumo bamazisa ukuthi sebeyehlulekile ukuvumelana kundaba zombili lezi. IZanu PF ifuna ukhetho lwenziwe ngoMarch njalo isisekelo esitsha siqale ukusebenza ngemva kokhetho kodwa iMDC yona ithi ngitsho; ukhetho kumele ludluliselwe phambili njalo isisekelo sombuso siqale ukusebenza ukhetho lungakenziwa yikho ukuthi luqhutshwe ngendlela esuthisa wonke umuntu.

Abasiki bebunda batshele iStudio 7 ukuthi uMbeki watshela amaqula la ukuthi uzawabiza njalo ePretoria ekupheleni kwaliviki bexazulule loludaba ngoba okwamanje laye ephitsheke ngomhlangano oqhutshwa libandla lakhe leANC ePolokwane. Bathi njalo inkulumo lezi zilakho ukungaphumeleli.

Sibelengxoxo lengchwethi kwezombusazwe njalo engumsekeli kamgchinisihlalo weNCA uMnu George Mkhwananzi othi akumangalisi ukuthi amabandla la akhanya seyehlulekile ukuvumelana.

Ezinye Indaba ZeStudio 7...

XS
SM
MD
LG