amalinks wokungena

Breaking News

UGono Usungula i$750 000 Yephepha Entsha Engaqumi oZero Ezama Ukuqeda Ukusilela Kwemali


Usibalukhulu webhanga lelizwe, iReserve Bank, uMnu Gideon Gono ubikwa etshele iziphathamandla zamabhanga ukuthi usezamisa ukusebenza kwemali elesisindo se $200 000 ethule imali yephepha ebambeneyo eyi $500 000 njengendlela yokuqeda ukusilela kwemali emabhanga.

Kumaviki amalutshwana edluleyo uGono ubesithi usezasungula imali entsha ezasetshenziswa endaweni yemali yohlobo lwama bearer’s cheques aqala ukusetshenziswa ngeminyaka emine edluleyo kuze kube lokusilela kwemali emabhanga okwakuqala.

Ekhuluma emsakazweni owe ZBC uGono uhle wethula amabearer cheque awe phepha abiza $250 000, $500 000 le $750 0000, wathi ngokuthatha lawa manyathela udubo lokusilela kwemali emabhanga soluzahle luphele.

Ingcwethi yezenotho, uMnu. Nhlanhla Nyathi utshele uChris Gande ukuthi imbiko yokuthi kuzasungulwa i$500 000 entsha kuliqiniso.

Kunjalo nje, indwendwe zabantu phambi kwamabanga lokhe zisiba zinde elizweni kulobunzima obukhulu bokuthola imali emabanga kusele nje amalanga ayisithupha ukuthi singene kukhisimusi. Intathelizindaba yethu u Mark Peter Nthambe iyalandisa.

Ezinye izindaba zeStudio 7 …

XS
SM
MD
LG