amalinks wokungena

Breaking News

Isiphathamandla se MDC Sibotshwa Ngomthetho wePOSA


Umgcinisihlalo wecele le MDC elikhokhelwa nguMnu. Arthur Mutambara eLupane, u Cain Mpofu obebotshwe ngaphansi komthetho we POSA kuviki edluleyo, ukhululwe entolongweni ngoMvulo ngemali yesibambiso i Bail.

UMpofu, owetheswa icala lokuqoqa umhlangano webandla lakhe engalamvumo, uhlale amalanga ayisikhombisa ejele njalo ukhangelelwe ukuthi abuyele emthethwandaba kamantshi ekuqaleni kwenyanga ezayo ukuyakuzwa isigwebo sakhe.

Kubikwa abasekeli balelibandla babebanengi okwesabekayo kulo umhlangano, owachithwa-chithwa ngamapholisa, kusakhuluma omela iLupane edale lephalamende kanye loSenator walesisigaba kulelidale abaMnumzana Njabuliso Mguni lo Dalumuzi Khumalo.

Lokhu kwenzakala umthetho we POSA kanye leminye isaguqulwa ukuze ingakhahlamezi abantu kangako. UMpofu utshele uSithandekile Mhlanga we studio 7 okwamehlelayo.

Ezinye indaba ze studio 7…

XS
SM
MD
LG