amalinks wokungena

Breaking News

Inengi Alilathemba Lokuthi Izinto Zizaguquka Ngo 2008


Inengi lamabhanga abikwa evaliwe elizweni lamuhla njalo indwendwe zabantu zibonakala zifolele imali emitshineni yama ATM. Imali nxa ithe yatholakala, iyabe ingama $200 000 okumele acine ukusebenza ekupheleni kwayonali viki, hatshi le entsha. Loba nje uhulumende ememezele ukuthi amabhanga la ahlale evulile ukuze abantu bethole imali, inengi lawo livule ngomgqibelo langensonto edluleyo kodwa alisavulanga ngekhefu lekhisimusi lelalamuhla ngoba esithi lokhu engakatholi imali entsha. USithandekile Mhlanga we Studio 7 uxoxe loMnu. Felix Mafa ingcwethi ecubungula ezomnotho welizwe, ukuze sizwe imbono yakhe ngaloludaba.

Kunjalo nje udubo lokusilela kwemali lukhanya lulakho ukuqhubeka, kungaziwa ukuthi luzaphela nini. Lokhu kubikwa kulakho ukuphazamisa abantwana besikolo ekuvulweni kwezikolo ngoba abazali belakho ukwehluleka ukuthola imali yokubhadala ama school fees. U Brenda Moyo weStudio 7 ukhulume lonkosikazi Fungisayi Sithole isakhamuzi se Hillside e Harare othi umumo weZimbabwe uzalungiseka kuphela nxa kungalungisiswa ezombusazwe.

Silokhe sikudaba olufanayo, uBrenda Moyo uphinde wakhuluma loNkosikazi Sibusiso Khumalo ohlala emzini weLuveve ko Bulawayo othi ukuqonganje kwama school fees kulakho ukwenza abantwana abanengi balahlekelwe yimfundo ngomnyaka ozayo.

Ezinye Indaba ZeStudio7..

XS
SM
MD
LG