amalinks wokungena

Breaking News

Impopoma Zamanzi Zitshiya abantu abedlula i 3 000 bengelamizi EMuzarabani


Inhlanganiso ezipha uncedo kwabawelwe yingozi yempopoma zamanzi eMuzarabani kanye leTsholotsho ngeviki edluleyo zithi ziphakathi kokuhambisa uncedo kulababantu abangaselandawo zokuhlala.

Uncedo lolu lugoqela amaphilisi, imithi yokuhlambulula amanzi, ingubo, izigqoko, ukudla kanye lokunye. EMuzarabani iwofisi ye United Nations ebona ngezoncedo eye Office for the Coordination of Humanitarian Affairs ibika ukuthi kulabantu abedlula inkulungwane ezintathu, 3 000 abasele bengasela mizi ikhukhulwe zimpopoma zamanzi kuthi eTsholotsho khona kubikwa kungana elinye izulu elesatshelwa ukubangela umonakalo omubi wempopoma zamanzi yiloba nini.

Kubikwa lelizulu selibulele abantu abathoba munwe munye. Abangasela mizi laba bahlala ezikolo ezitshiyeneyo lapho abanikezwa khona ukudla zinhlanganiso ezifana labo WFP kanye labo Red Cross.

UMnu Farid Abdul Kabir obona ngokuqoqwa kwenhlelo zokunceda abantu ku International Federation of the Red Cross utshele iStudio 7 ukuthi sebethumele iqula eMuzarabani kanye leTsholotsho ukuthi lise uncedo lokudla kanye lokunye okumqoka empilweni.

Uthi ikakhulu eMuzarabani kukhanya kulezulu likazamcolo elibuyayo kunsukwana ezizayo, okungabangela njalo ukukhukhulwa kwemizi eminengi. Ngalokhu uthi inhlanganiso yakhe isebenzelana lohulumende kanye lezinye isiqalisile ukususa abantu endaweni eziphansi ezingafinyelelwa ngamanzi amanengi alakho ukubangela ukulahlekelwa kwabantu yimizi yabo.

Ezinye Indaba ZeStudio 7...

XS
SM
MD
LG