amalinks wokungena

Breaking News

Kambe Inkulumo Zokumanyanisa Amabadla Aphikisayo Sezifike Ngaphi


Ingcwethi kwezombusazwe zithi ukusebenzelana kwamacele omabili e MDC ukuthi kube lomuntu oyedwa ozawamela ekhethweni lomnyaka ozayo, licebo elihle elinganceda ukususa uMongameli Robert Mugabe esikhundleni. Isikhulumi secele elikhokhelwa nguMnumzana Morgan Tsvangirai, uMnumzana Nelson Chamisa utshele iStudio 7 ukuthi abasoze bazise uzulu ngemizamo yabo yokumanyanisa amabandla aphikisayo kuze kulotshelwane isivumelwano, esithi ukuphumela egcekeni ngabakwenzayo kungaphazamisa ingqubela phambili yenkulumo lezi.

Kodwa elikhokhelwa nguMnumzana ArthurMutambara likhonona ngokuthi alikahlali phansi lelika Tsvangirai ukuze kukhulunyiswane ngaloludaba. Umsekeli wesikhulumi salelicele uMnumzana Abednico Bhebhe utshele iStudio 7 ukuthi emhlanganweni we National Executive owenziwa mhlaka 18 December kwavunyelwana ukuthi onobhala jikelele bamacele omabili oMnumzana Welshman Ncube lo Tendai Biti kumele bahlangane balumathise umlilo walezinkulumo.

Ukuze sizwe imibono yengcwethi ezicubungula ezombusazwe ngaloludaba u Brenda Moyo weStudio 7 uye kuMnumzana Mqondobanzi Magonya.

Ezinye Indaba ZeStudio7..

XS
SM
MD
LG