Ngemva kokufolela imali emabhanga okungapheliyo, inengi labantu lizifumana selibhekane lolunye njalo uhlupho lokuthola ukudla, okulokhu kusilela ezitolo.
Ukudla lokhu yimpuphu, uchago, amafutha okuphekisa, itshukela lokunye okunengi-nengi.
I 2kg ye rice ibikwa ibiza i $8million ezitolo, isinkwa $1,5 million, kuthi i $1kg yenyama $8million njalo abakuzuza kuqala babikwa besiya kuthengisa emkambo omnyama ngentengo eyabe isiphindwe kakhulu.
Umgcinisihlalo wenhlanganiso ye Bulawayo Residents Association, uMnu. Winos Dube utshele uSithandekile Mhlanga we studio 7 ukuthi abantu bathwele gadalala ngoba abatholi mali, njalo lapho abayithola khona bayaswela ukudla kokuthenga.
