amalinks wokungena

Breaking News

Kayisumlandu WeZEC Ukuthi Ikhulume Ngokuthi Ukhetho Luzakwenziwa Nini - MDC


Inhlanganiso ekhankasela ukuqhutshwa kokhetho olukhululekileyo elizweni eye Zimbabwe Election Support Network (ZESN) ithi ayazi lutho ngokuphethwa kokubunjwa lokuqunywa kwama constituencies yinhlanganiso ebona ngokuqhutshwa kokhetho i Zimbabwe Electoral Commission.

Umgchinisihlalo weZEC, uMnu George Chiweshe uveze ngemepelaviki ukuba likomoshini siqedile ukubumba ama constituencies amatsha lokuthi simelele ukunikeza umongameli Mugabe ugwalo lwasebekwenzile. UChiweshe uphinde wathi ukhetho lulakho ukwenziwa ngoMbimbitho njengoba nje ikomishini yakhe siqedile umsebenzi.

Kodwa amacele womabili eMDC wona athi wona akhangelele kunkulumo eziqhutshwa ngumongameli Thabo Mbeki wele South Africa lapho athi khona kulapho okuzaphuma khona ukuthi ukhetho lolu lwenziwe nini lokuthi luhanjiswe njani.

Sixoxe loMnu Paul Themba Nyathi obona ngokuqhutshwa kokhetho kuMDC ekhokhelwa nguMn Arthur Mutambara othi yena imbiko kachiweshe le ayilungelanga inkulumo ezikhona phakathi kwezanu pf leMDC.

Sibelengxoxo njalo loMnu Samuel Sipepa Nkomo obona ngezaphakathi kwelizwe kuMDC ekhokhelwa nguMnu Morgan Tsvangirai othi yena laloba ikomishini kaChiweshe isithi siqedile umsebenzi bona kabakaziswa ngalokhu. Uthi laye icele lakhe likhangelele kunkulumo ezikhona, hatshi imbiko kaChiweshe le.

Ezinye Indaba ZeStudio 7...

XS
SM
MD
LG