Umkhokheli welinye lamacele eMDC uMnu Morgan Tsvangirai ubikwa seqalisile ukuzisondeza kumkhokheli webandla elibusayo eSouth Africa ele ANC uMnu Jacob Zuma bekhulumisana ngodaba lweZimbabwe.
Umnu Tsvangirai loMnu Zuma babikwa beke bahlangana ensukwini ezisanda kwedlula bephatha udaba lweZimbabwe njalo uTsvangirai eveza usekelo lwakhe kuZuma ngokunqoba kukhetho lokukhokhela i ANC enqoba umongameli Thabo Mbeki.
Unobhala jikelele weCOSATU uMnu Zwelinzima Vavi laye ubikwa ebekhona kulumhlangano. Ubikwa laye eveze ukuthi inhlanganiso yakhe isekela imizamo yebandla eliphikisayo elokukhipha iZanu PF embusweni. Iziphathamandla zecele likaTsvangirai zona azithandanga ukuphumela egchekeni ngaloludaba.
Sibelengxoxo lengchwethi ecubungula ezombusazwe uMnu Zenzo Nkomo othi vele bekufanele ukuthi abebandla leMDC behlangane loZuma njengoba kunguye osekhokhela iANC yona ekhangelelwe ukuphathisa emizameni yokulungisisa udaba lweZimbabwe.