amalinks wokungena

Breaking News

Asisoze Sivumele Udlakela Ngesikhathi Sokhetho - Kutsho USikomitshi Wamapholisa UChihuri


Ikomidi ebona ngokuphathelane lezomvikela kanye lezangaphakathi kwelizwe edaleni lephalamende ithi uhulumende kumele aqatshe inkulungwane ezingamakhulu angamatshumi amathathu lambili, 32 000 zamapholisa ukuze kube laneleyo azalondoloza ukuthula ngesikhathi sokhetho.

Embikweni ewethule ekupheleni komnyaka ophelileyo, likomidi iveze ukusilela kwamapholisa elizweni ngoba amanengi setshiyile umsebenzi aya kwamanye amazwe lapho athola iholo elithe qaqa.

Okwamanje kubikwa kulenkulungwane ezingamakhulu amabili lathoba minwe mbili, 28 000 zamapholisa kuphela. Kodwa isikhulumi samapholisa uMnu Oliver Mandipaka utshele iStudio 7 ukuthi amapholisa kasoze aqatshe inani elivezwe yikimidi le. Walile njalo ukuthi kulokusilela kwamapholisa elizweni esithi ukuqatsha amapholisa ayisiyonto entsha, yinto abahlezi beyenza njengezinye zonke ingatsha zikahulumende.

Kunjalo nje usikomitshi wamapholisa uMnu Augastine Chihuri izolo uthe amapholisa kasoze avumele udlakela ngesikhathi sokhetho. Uthe labo abangabe becabanga ukuthi bengalingisela udlakela olwenzakala e Kenya ngokuphikisana kwempumela yokhetho phakathi kuka Mnu Raila Odinga okhokhela i Orange Democratic Movement lomongameli Mwai Kibaki bayazikhohlisa ngoba amapholisa ebamelele.

Limbiko ikhanya ibingethusela abamabandla aphikisayo. Sibelengxoxo lengcwethi ecubungula ezombusazwe uMnu Qhubani Moyo othi yena ngokukhipha limbiko, uChihuri uzama ukubamba inhlwa ngekhanda ngoba esazi ukuthi uzulu weZimbabwe kasoze avume njalo ukuntshontshelwa ukhetho ngumongameli Robert Mugabe.

Ezinye Indaba ZeStudio 7...

XS
SM
MD
LG