Izakhamazi zeMtshabezi ziyakhonona ngokuqhatshwa kwabantu abangasibo baleso sigaba ukuzosebenza ehlelweni lokwakha impompi edonsa amanzi edamu leMtshabezi esiya edamu leMzingwane. Njalo izakhamizi zikhala ngokuthi amanzi edamu leMtshabezi kumele labo abaphathise, hatshi ukunceda abantu bakoBulawayo kuphela.
Kulabanye abasebenza edamu leli abasuka endaweni ezikhatshana eziphandle komkhono weMandebeleni. Lokhu akuthakazelelwa yizakhamizi zeMtshabezi ezithi abantwabazo kumele ukuthi ngabe labo bayathola imsebenzi ngaphansi kwaloluhlelo. Njalo izakhamizi zithi amanzi asesiwa koBulawayo kodwa bona bengazange bethole usizo olufana lamasimu alinywa ngokuthelezela awe Irrigation.
