amalinks wokungena

Breaking News

Abemitshova Bakhweza Imbadalo Ifike Kusigidi


Abemitshova koBulawayo kanye leHarare sebekhweze imbadalo. Lokhu kuza lapho ukusilela kwamafutha ezimota elizweni kusiyaphambili njalo lentengo yawo emkambo womkhotho lapho atholakala khona isiqongile.

I liter eyodwa ibikwa sibiza izigidi ezintathu zamadola. Ukusuka emalokitshini umuntu esiya edolobheni sokubiza isigidi esisodwa koBulawayo, kuthi eHarare endaweni ezifana leTafara leMabvuku abemitshova babhadalisa isigidi esilengxenye kusiya kuzigidi ezimbili.

Sibelengxoxo lesakhamuzi seMabvuku uMnu Sam Dube othi yena impilo isinzima okwamagama njalo yena njengesisebenzi esileholo eliphansi kasenelisi ukuya emsebenzini nsuku zonke. Sibambe njalo isakhamuzi sakoBulawayo uMnu Themba Sibanda othi abantu abanengi sebesenza okokuvukela ngenyawo besiya emisebenzini ngoba bengenelisi imbadalo yabotshova.

Ezinye Indab ZeStudio 7...

XS
SM
MD
LG