amalinks wokungena

Breaking News

UMongameli Thabo Mbeki Uya eZimbabwe Ngodaba Lwenkulumo Zokukhumisana Umlotha


UMongameli Thabo Mbeki weleSouth Africa ubeseZimbabwe ngoLwesine elanda ukuzokhulumisana loMongameli Robert Mugabe lamaqula eMDC kumthwalo wakhe akhethwa ukuba ngumlamlankunzi yinhlanganiso yomanyano wamazwe angezansi kwezwekazi leAfrica iSADC.

Uhambo lukaMbeki belungaziwa kodwa kubikwa besekulokungezwani phakathi kwebandla elibusayo lamacele eMDC womabili. Ibandla leZanu PF libikwa lisala ukuthi ukhetho ludluliselwe phambili andubana kuphethwe inkulumo lezi njalo amabandla aphikisayo wona athi kumele lolukhetho lwenziwe phansi kwesisekelo sombuso esitsha. UMongameli Mbeki ubikwa ekhulume loMongangameli Mugabe esigodlweni sakhe, iState House, okwamahola amane wasesuka wayakhulumisana lamaqula amacele eMDC womabili.

UMugabe ubikwa alile ukuthi ahlale phansi ekhangelane lamaqula eMDC beloMbeki. Kunyanga ezedluleyo umbeki ubethuma iziphathamandla zikahulumede wakhe ukuthi zibe yizo ezikhulumisana lamaqula eMDC leZanu PF kodwa kusukela ekuqaleni kwalinyanga yena mathupha nguye osehlangana lamaqula la. Ingcwethi ecubungula ezombusazwe, uMnu. Zenzo Nkomo utshele iStudio 7 ukuthi uMongameli Mbeki ulakho ukusuka eZimbabwe elingise eZimbabwe ngoba uMongameli Mugabe kasoze avume ukuguqula imicabango ykahe ngodaba lokhetho lesisekelo sombuso.

Ezinye izindaba zeStudio 7 …

XS
SM
MD
LG