UMongameli welinye lamacele e MDC uMnumzana Morgan Tsvangirai uthi ibandla lakhe lizesula imikhuba emibi elandelwa nguhulumende wakuleli ephazamisa amalungelo abantu okukhuluma abakufunayo.
Ekhuluma edilini lokwethula i Website yecele leMDC leli entsha edolobheni le Harare izolo umongameli walo uMnumzana Morgeni Tsvangirai usole kakhulu umbuso we ZANU PF kuleli ethi usubuyisele muva intuthuko yelizwe ngeminyaka phose efika kwethoba minwembili okwenza ukuba ilizwe lisalele emuva kuntuthuko eqakathekileyo empilweni yabantu kuleli.
Uthe lokhu kugoqela ukuthuthukiswa kwendlela zakulezi nsuku zokukhulumisana ngazo ezenjenge Internet okukhanya sokusabalele lomhlaba wonke jikelele.