Elinye lamacele emdc elikhokhelwa nguMnu Morgan Tsvangirai lalelwa ngamapolisa ukuqubekela phambili ngokufola kwalo obe kumele kwenziwe ngolwesithathu e Harare.
Ekhuluma emhlanganweni wesiphangiphangi lentathelizindaba e Harare ngomvulo emahofisini amakhulu ebandla le MDC unobhala jikelele walelicele elikhokhelwa nguMnu Morgan Tsvangirai uMnumzana Tendai Biti uthe kuyadanisa ukubona amapolisa esenza kanje ngemva kokuba kube lokuvumelana phakathi kwabo lebandla lakhe ngeviki eledluleyo kwakhanya ukuba anikeze ibandla lakhe imvumo yokufola bevuma njalo lokubanikeza i Band ye Police Band ukuba ibatshayele iculo befola.
UMnumzana Biti uthe konke lokhu kutshengisa ukuba ibandla le ZANU PF alizinikelanga kunkulumo ezikhona phakathi kwebandla lakhe lele ezenzelwa kwele South Africa ngaphansi kwenhlangniso ye SADC. Uthe njengoba kube lokuvumelana banikezwa imvumo ngamapolisa phansi komthetho abasela mvumo yokubalisa ukuqubekela phambili ngokufola kwabo ngoba ukwenza kanje kuyabe kuyikwephula umthetho. Uthe kanjalo ukufola kwabo kuzaqubekela phambili ngoba bephiwe imvumo encwadini yamapolisa kamhlaka 18 january 2008.
Uthe ube lomhlangano phakathi kwebandla lakhe amagqwetha abe Mbidzo Muchadehama and Makoni lamapolisa, amapolisa abebazisa ukuti bathini kulandela umhlangano we Joint Operation Command ethi lokhu abakakwenzi.