amalinks wokungena

Breaking News

Abamabhanga Bethuselwa Ukuvalwa


Usibalukhulu webhanga elikhulu lelizwe uMnumzana Gideon Gono usethusele ukuvala amabhanga athi yiwo abangela uhlupho lokusilela kwemali ngabomo. Kuthange uGono uthe abamabhanga kabayithatha imali ebhanga elikhulu lelizwe i Reserve Bank of Zimbabwe yikho uzulu esehluleka ukuthola imali emabhanga. izolo uGono endawonye lomphathintambo wezemali uMnumzana Samuel Mumbengegwi batshele abamabhanga ukuthi alakho ukuvalwa nxa engaqhubeka esehluleka ukuphathisa uzulu ofuna imali.

Ingcwethi kwezenotho zithi abamabhanga bakhanya beqakathekisa imisebenzi yokuthenga lokuthengisa imali yakwamanye amazwe, lokwenza eyinye imisebenzi ewatholisa inzuzo masinyane. Kodwa eyinye ingcwethi kwezenotho uMnumzana Rejoice Ngwenya utshele u Brenda Moyo weStudio7 ukuthi uGono ulomkhuba omubi wokuhlala ekhombela abanye ukuthi yibo abaphazamisa ezemali khona kunguye osowenze amaphutha amanengi.

Ezinye Indaba ZeStudio7..

XS
SM
MD
LG