Abalandeli beqembu lenguqu le Highlanders balethuba lokubona abadlali baleli qembu abatsha lapho leliqembu lidibana lele Black Leopards lase South Africa emagumeni ngensonto.
Iqembu le Highlanders lona elizamela ilizwe emidlalweni yalonyaka yenkezo ye Confederations liqhubekela phambili ngamalungiselelo alo okuphatheka kulimidlalo njalo ngeNsonto lizangqikilana leqembu lakomakhelawane i South Africa ele Black Leopards lona eliphakathi kwekhefu laphakathi kwesizini yasemnzansi elidalwe yikuphatheka kwalelolizwe kumidlalo ye Africa Nations Cup eqhutshelwa ngase Ghana.
I Bosso ithenge abadlali abambalwa ukuze iqinise iqembu kusizini yalonyaka kanye lakumidlalo yase Africa njalo abalandeli bayo bakhangelelwe ukuba baze ngobunengi babo ukuzobona ukuba abadlali abafana labo Herbert Dick , u Irvine Tinarwo, u Steven Alumenda, u Jacob Muzokomba kanye labanye baliphatheleni iqembu.