Icele leMDC elikhokhelwa nguMnu Morgan Tsvangirai selithumele iqula e Ethiopia Adia Ababa ukuyakhulumisana lenkokheli yamazwe ezwekazi leAfrica emhlanganweni we African Union oqala ngoLwesine.
Icele leli lithi injongo yalo ngeyokukhulumisana labenhlanganiso ezizimeleyo kanye lenkokheli yamazwe la ukuze iphathe udaba lweZimbabwe kulumhlangano njalo ikhulumisane lomongameli Robert Mugabe ukuthi adlulisele ukhetho phambili njalo avumele isisekelo sombuso esitsha ukuthi siqale ukusebenza kungakenziwa ukhetho.
IMDC ithi njalo ifuna iAU ibambe uMugabe ngamandla ukuthi alandele izinqumo zonke ezavunyelwana yiZanu PF leMDC enkulumeni zeSadc eziqhgutshelwa eSouth Africa.
Sixhume umsekeli kamkhokheli walelicele unkosazana Thokozani Khuphe ose Adis Ababa okhokhela leliqula oveza okunengi ngenjongo yabo.