amalinks wokungena

Breaking News

Amacele Omabili e MDC Atshiywa Esikhaleni Libandla LeZanu PF


Icele leMDC elikhokhelwa nguMnumzana Arthur Mutambara lithi lidaniswe kakhulu yikubhidlika kwenkulumo zokukhumisana umlotha lelibusayo ele ZANU PF, okubangelwe ngalokho elithi yibuqholo be ZANU PF. Amacele omabili e MDC asele esikhaleni lapho i ZANU PF eqhubekele phambili ihlukuluza abasekeli bawo, ibeka ilanga lokhetho, lombiko wayo wokuthi isisesekelo sombuso esitsha sizakwenziwa ngemva kokhetho, isephula ezinye izivumelwano ebesezenziwe enkulumeni ezikhokhelwa ngumongameli Thabo Mbeki we South Africa.

Okwakhathesi amacele omabili la athi aselindele okuzaphuma ngemva kokubana u Mbeki esekhweze udaba lokubhidlika kwalezinkulumo kunhlanganiso ye SADC. U Brenda Moyo we Studio 7 ukhulume lonobhala jikelele wecele elikhokhelwa nguMutambara uMnumzana Welshman Ncube, othi I SADC Ingaze iphume lezinqumo ezithize ababoni kusiba lenguquko ngoba uMongameli Robert Mugabe ezenzela akufunayo, enguntando kayiphikiswa.

Ezinye Indaba ZeStudio7..

XS
SM
MD
LG