Laloba ukhetho lweZimbabwe luzakwenziwa mhlaka 29 March njalo idale lokukhetha labo abazancintisa kukhetho i nomination court lizahlala mhlaka 8 February. Kusukela namhla kuze kuyefika kumhlaka 7 February uzulu ukhuthazwa ukuyahlola i Voters Roll ukwenzela ukuthi lowo lalowo abone ukuthi ibizo lakhe likhona na kuluhlu lwamabizo abazavota, lokuthi nxa kukhona okufuna ukuguqulwa kuhle kulungisiswe khonapho ukwenzela ukuthi abantu bengahlangani lendubeko ngelanga lokuvota. Kodwa laloba kulakho konke lokhu okwenzakalayo uzulu lengcwethi kwezombusazwe zithi elizweni kuphonguthulisa zwi angani akulakhetho oluzayo. UBrenda Moyo weStudio 7 ukhulume leyinye ingcwethi ecubungula ezombusazwe uMnumzana Thompson Mkhwanazi othi uzulu weZimbabwe udideke ingqondo ngoba engazi ukuthi uzavotela bani, ozaletha nguquko bani kusimo esiselizweni.
Ezinye Indaba ZeStudio 7..