amalinks wokungena

Breaking News

IZESN IFuna Kwengezwe Isikhathi Sokuhlola Amabizo Abazavota


Inhlanganiso yeZimbabwe Election Support Network (ZESN) ithi ilokukhathazeka okukhulu ngesikhathi esiphiwe uzulu ukuthi ayehlola amabizo akhe ukuthi akhona kuluhlu lwabantu abalelungelo lokuvola ngoba sisilutshwana.

Uhlelo lolu luqale mhlaka 1 kulinyanga njalo luphela mhlaka 7 linyanga njalo. Ngalokhu linhlanganiso ithi loluhlelo kumele lwengezelelwe ngamaviki amathathu. IZESN ithi uhulumende kamemezelanga loluhlelo kabanzi, ngalokhu abantu abanengi kabakwazi ukuthi kumele bayehlola kumbe ukubhalisa amabizo abo.

Kungxoxo isiphathamandla senhlanganiso elwela ilungelo labesifazana iWomen of Zimbabwe Arise (WOZA) uNkosazana Magodonga Mahlangu ayenze lentathelizindaba yethu uNtungamili Nkomo uthi abanye babantu asebekhulume labo bathi bona kabalandaba lohlelo lolu ngoba bengazi ukuthi ngobani abazancintisa bebamele.

UNtungamili Nkomo uxoxe njalo loMnu Busani Ncube oweBulawayo Agenda, okuyinhlanganiso ezimeleyo ephitsheke ngokufundisa uzulu ngokuqakatheka kokuyahlola uluhlu lwevoters roll kalnye lokuyavota othi uhulumende kenzanga umkhankaso wokwazisa uzulu ngohlelo lolu, yikho nje kulabantu abambalwa abayabhalisa lokuhlola amabizo abo.

Ezinye Indaba ZeStudio 7...

XS
SM
MD
LG