Obengumkhokheli welinye lamacele EZAPU ebelisaziwa ngokuthi yiZAPU Federal Party uMnu Paul Siwela usethule elinye ibandla elitsha elibizwa ngokuthi yi Federal Democratic Union (FDU) lona elithi limela ukuzibusa kwezigaba likhangele kakhulu eleMandebeleni leNkabazwe lapho elithi lizafaka abameli abakhankasele ukhetho oluzayo kuzo zonke izindawo okuzancintiswa khona.
Ukubunjwa kwe FDU kutsho ukuthi ibandla le ZAPU (FP) alisekho. I FDU ngelinye lamabandla aqhubeka ebunjwa ngesikhathi uzulu ekhangelele ukhetho olukhulu luka 29 Mbimbitho lonyaka.
USiwela uthe leli libandla elitsha elizimisele ukukhulula isizwe seZimbabwe sonke lanxa nje lizangenisa abameli balo kukhetho ezigabeni ze Mandebeleni leNkabazwe kuphela.