Iziphepheli zeZimbabwe ebezilokhu zisele zivalelwe esitokisini ngemva kokubotshwa etempelini leCentral Methodist eJohannesburg, zikhululwe zonke izolo zingamiswanga phambi komthethwandaba.
Ixuku lokucina leziphepheli lezi likhululwe ngemva kokungenela kwenhlanganiso zikazulu lenkokheli zebandla leMethodist. Iziphepheli lezi bezilokhu zivalelwe esitokisini samapholisa eJohn Foster eJohannesburg ngemva kokubotshwa eTempelini leCentral Methodist ngeviki ephelileyo.
Inhlanganiso ezinengi zisole kakhulu isenzo lesi zisithi siyayangisa ngoba amapholisa ayetsheliwe ukuthi kugcinwa iziphepheli kuleyo ndawo. Umgcinishlalo wenhlanganiso yeZimbabwe Action Support Group uMnumnzana Remember Moyo uthi amapholisa agcine ekhulule laba bantu ngemva kokuba inkokheli zenhlanganiso ezitshiyeneyo zitshitshe kulawo mahofisi ziququzelela ukuthi iziphepheli lezo zikhululwe.