amalinks wokungena

Breaking News

Abasakhulayo Ikakhulu, Yibo Abangelandaba Lokuyavota: ZESN


Laloba isikhathi sokuhlolwa lokubhaliswa kwamabizo alabo abalelungelo lokuvota sengezelelwe, abanengi babikwa lokhu bengayi ukuyabhalisa kumbe ukuyahlola amabizo.

Umgchinisihlalo weZimbabwe Election Support Network (ZESN) uMnu Noel Kututwa uthi endaweni ezinengi labo abayahlola amabizo abo asebeke bavota bathola amabizo abo engekho kuluhlu.

Emaphandleni okube lempopoma zamanzi iziphathamandla zeZimbabwe Election Commission (ZEC) zibikwa zisehluleka ukuyafika - okutshiya uzulu engelandlela yokuyahlola lokubhalisa amabizo.

UMnu Kututwa uthi ukudingisisa okwenziwe yinhlanganiso yakhe kuveza ukuthi abatsha ikakhulu, bathi kabalasikhathi sokudlalisa besiyavota ngoba ukhetho lungasoze lulethe nguquko.

Osakhulayo wakoBulawayo uNqobile Dube uthi laloba ontanga besithi kabalandaba lokhetho, yena uhambe wayahlola ibizo lakhe wathola likhona, ngakhoke usemelele lolukhetho.

Ezinye Indaba ZeStudio 7...

XS
SM
MD
LG