amalinks wokungena

Breaking News

Uhulumende Wazisa Ngembadalo Yabazancintisa Labafuna Ukubona Ukuqhutshwa Kokhetho


Uhulumende usazise inhlawulo yalabo abafuna ukubona ngokuqhutshwa kokhetho eZimbabwe, ama election observers.

Uhulumende uveze ukuthi abazafuna ukuzobona ngokuqhutshwa kokhetho bevela phandle kwezwekazi le Africa bazamele bahlawule amakhulu amathathu amadollar eMelika- i US$300 kuthi abavela kwamanye amazwe ezwekazi leAfrica bahlawule ikhulu lamadollar eMelika- i US$100.

Abavela eZimbabwe bona bazahlawula izigidi ezilitshumi zamadollar eZimbabwe- $10 million.

Amabandla afuna uluhlu lwevoters roll oluku ma CD kumele bahlawule izigidi ezilikhulu zamadollar eZimbabwe- $100 million iCD ngayinye. Abavela kwamanye amazwe bazahlawuliswe amatshumi amahlanu amadollar eMelika- i US$50 ukuze bathole loluluhlu.

Abafuna ukuncintisa kukhetho lwephalamende leSenate, bazahlawula izigidi ezilikhulu zamadollar eZimbabwe- $100 million kuthi abancintisa kukhetho lukamongameli bahlawule i $1 billion.

Laloba imali le ikhanya incane, umqondisi weCrisis in Zimbabwe Coalition uMnu Xolani Zitha utshele uNtungamili Nkomo owe Studio 7 ukuthi abantu abanengi kuzabahlupha ukuyithola leyo mali lula, ikakhulu labo abacintisa okwakuqala.

Ezinye Indaba ZeStudio 7...

XS
SM
MD
LG