amalinks wokungena

Breaking News

Icele LeMDC Elikhokhelwa NguMnu Arthur Mutambara Lithi Lilakho Ukumanyana LoMnu Simba Makoni


Icele leMDC elikhokhelwa nguMnumzana Arthur Mutambara lithi ngemva komhlangano weNational Council yalo wayizolo, lapho okuhlafunwe khona indaba ezimbalwa, oluyisiqokoqela lungoluka Mnumzana Simba Makoni, inkokheli yalo isizahlaziya ukuthi lisebenzelane loMakoni kukhetho na kumbe hatshi.

Umsekeli kaMongameli walelibandla uMnumzana Gibson Sibanda uchasisela u Brenda Moyo weStudio 7 ukuthi ibandla labo liqakathekisa ukukhipha uzulu weZimbabwe kuloluhlupho olubhekane lelizwe, yikho lisekela umbono wokumanyana lamanye amabandla ukuze kube lomuntu oyedwa ozamelana loMugabe kukhetho.

Kunjanlo nje ukuxokozela ngodaba lokungena kukhetho lukaMongameli kukaMnumzana Simba Makoni lokhe kuqhubeka elizweni abanye bemsekela abanye bemthuka. Abamsekelayo ngabathi uMakoni engaba ngu Messiah ongakhulula izizalwane zeZimbabwe embusweni kaMongameli Robert Mugabe. Kodwa laloba kulokuxokozela lokhu elizweni lakuzizalwane zeZimbabwe ezihlala kwamanye amazwe, abesigabeni seMatebeleland besabela ukuthi ukungena kuka Makoni embusweni sokuyikugqitshelwa kodaba lweGukurahundi.

Kodwa laloba kunjalo ingcwethi ecubungula ezombusazwe uMnumzana Zenzo Nkomo utshele u Brenda Moyo weStudio 7 ukuthi lokhu akusoze kuvimbe abantu bakulesisigaba ekuvoteleni uMakoni.

Ezinye Indada ZeStudio7..

XS
SM
MD
LG