Isikhulumeli seZanu PF, umnu. Nathan Shamuyarira uthi owayengumphathintambo wezemali, njalo elilunga ledale elimqoka kubandla leZanu PF, uMnu. Simba Makoni usexotshiwe kulelobandla okusemthethweni.
Kumhlangnano awenze lentathelizindaba lamuhla eHarare uShamuyarira uthe uMakoni wahle wazixotsha kubandla lelo ngemva kokwazisa ukuthi ufuna ukuncintisana loMangameli Mugabe kukhetho lwenyanga ezayo. UShamuyarira uthi phansi kwesisekelo sombuso, seZanu PF, uArticle 6, uMakoni vele kamelanga adinge ukuphikisa lumthetho ngoba kazange azise ukuthi ufuna ukuba nguMongameli emhlanganweni omkhulu oweZanu PF owenziwa nyakenye ngenyanga kaMpalakazi.
Igwetha elilwela ilungelo likazulu njalo eyingcwethi kwezombusazwe, uMnu. Daniel Molokele uphe uChris Gande weStudio 7 imbono yakhe ngaloludaba.