amalinks wokungena

Breaking News

UMnu Morgan Tsvangirai Ubanjwa Inkunzi EJohannesburg


Umkhokheli welinye lamacele eMDC uMnu Morgan Tsvangirai ukhonjelwe ngombobho wabanjwa inkunzi lamuhla eJohannesburg ngamajaha amathathu angazakaliyo.

UTsvangirai obesanda kwehla endizamtshineni njalo obeselubhekise emawofisini ebandla lakhe kulelilizwe ubikwa ethathelwe iPassport yakhe kanye leLaptop lokunje nje akade ekuthwele.

Abantu akade ehamba labo, abathi umtshayeli wakhe esingenelisanga ukuthola igama lakhe kanye lesikhulumi sakhe uMnu George Sibotshiwe labo bathathelwe impahla zabo.

UMnu Sibotshiwe utshele uNtungamili Nkomo oweStudio 7 ukuthi bathe nje sebezafika emawofosini ebandla labo bevela egchekeni lendizamtshina ele Johannesburg, kwaqhamuka amajaha amathathu ehamba ngemota abakhomba ngovolovolo abathathela konke ekade bekuthwele.

Uthi bacabangela ukuthi lokhu kungaba kwenziwe zinsoli zikahulumende weZimbabwe ngenjongo yokukhawulisa uTsvangirai. UTsvangirai ulande umhlangano lentathelizindaba azawenza kusasa emini. Amapholisa athi aseqalisile ukudingisisa ngodaba lolu.

Ezinye Indaba ZeStudio 7...

XS
SM
MD
LG