amalinks wokungena

Breaking News

Amahofisi Enhlanganiso yeCrisis Angenelwa Ngamapholisa


Inhlanganiso ye Crisis in Zimbabawe Coalition, ithi amapholisa abangenele emahofisini abo abahlukuluza edinga uMnu. Marvellous Khumalo, ozancintisa kukhetho lokudinga ozamela i St. Mary’s edaleni le phalamende, ekucele le MDC elikhokhelwa nguMnu. Morgan Tsvangirai.

UKhumalo, oyisiphathamandla senhlanganiso ye ZINASU, ubotshwe ngeNsonto kulandela ukuqhamuka kodlakela ekhankasa e St. Mary’s, njalo ukhululwe ngeNsonto ngemali yesibambiso, i bail.

Umqondisi wale inhlanganiso uMnu. Xolani Zitha uthi amapholisa amthethe kanye lamanye amalunga enhlanganiso yakhe abasa emahofisini abo lapho abababuzisise ngoKhumalo okwehola elilodwa, andubana babayekala bahamba.

Kunjalo nje, amalunga enhlanganiso ye WOZA alitshumi lanye atshaywe kakubi ngamapholisa izolo etshengisela eHarare, abelokhu emelele ukungeniswa emtshineni yokuhlolwa amathambo eye x- ray e Avenues Clinic e Harare lamuhla ntambama, ngoba imitshina le ingalunganga. Isiphathamandla sale inhlanganiso uNkosikazi Magodonga Mahlangu uthi abayisithupha yibo abamelele i x-ray ngoba becatshangelwa ukuthi bephuke amathambo kuthi abanye lokhu behlolwa ngoba belezinyalo ezitshiyeneyo.

USithandekile Mhlanga we studio 7 uxoxe lomunye obemelele ukwelatshwa lamuhla, uNkosikazi Julia Jeka, oyisakhamuzi se Kambuzuma, othi uqamuke isandla ngemva kokutshaywa ngamapholisa etshengisela.

Ezinye indaba ze studio 7…

XS
SM
MD
LG