Uhulumende we South Africa uthi ukhetho lukaMbimbitho eZimbabwe lungaba ngolukhululekileyo kungalandelwa izivumelwano ezenziwa ngamacele womabili e MDC kanye lebandla le ZANU PF kunkulumo ezilawulwa ngumongameli Thabo Mbeki.
Ekhuluma emhlanganweni lentathelizindaba lamuhla eJohannesburg, umphathintambo obona ngobudlelwano lamanye amazwe kulelolizwe, uNkosikazi Nkosazana Dlamini Zuma uthi izivumelwano ezenziwa ukuba ngumthetho ephalamende leZimbabwe, ezigoqela ezomvikela lezokwethulwa kwembiko zingasetshenziswa khathesi langesikhathi sokhetho, ukhetho lolu luzabe lukhululekile okwamagama.
Kodwa uMnu. Busani Ncube, ingcwethi ecubungula ezombusazwe utshele uSithandekile Mhlanga we studio 7 ukuthi ele South Africa liphonguvala nje ukuthi kungakhanyi ukuthi inkulumo ezilawulwa ngumongameli Mbeki ziyehluleka ukufeza injongo yazo.
