amalinks wokungena

Breaking News

Kaqilibezele Kukhetho Abone UMugabe; Kubhavuma IMDC KaTsvangirai


Iphephandaba lebulenjini i Zimonline libika ukuthi isikhulumi secele leMDC ekhokhelwa nguMnumzana Morgan Tsvangirai, uMnumzana Nelson Chamisa uthi umongameli Mugabe angalokotha aqilibezele kukhetho uzazibonela into yamehlo.

Emizameni yeStudio 7 yokubuzisisa uChamisa ukuthi ubesitshoni ngamazwi la, kazange athande ukuphumela egchekeni. Kodwa limbiko ikhanya ingeyokwethusela umongameli Mugabe ukuthi engaze enza ubuqili ahlezi ebenza nxa kulokhetho ukuze anqobe.

Ingcwethi ecubungula ezombusazwe uMnu Zenzo Nkomo utshele u Brenda Moyo weStudio 7 ukuthi ngokubona kwakhe icele lika Tsvangirai lingabe liqoqa ukwenza udlakela olufana lalolo olwenzakale eKenya ngemva kokhetho olwenziwe ngoMpalakazi.

Umongameli Mwai Kibaki nguye onqobe kulolukhetho kodwa abasekeli bebandla eliphikisayo ele Oranga Democratic Movement baqalise udlakela besethesa uKibaki umlandu wokuqilibezela besithi umkhokheli webandla labo uMnu Raila Odinga nguye onqobileyo.

Ezinye Indaba ZeStudio7...

XS
SM
MD
LG