amalinks wokungena

Breaking News

IZEC Ixwayisa Abahleli Ukuthi Bethule Njani Ezokhetho


Iziphathamandla zenhlanganiso ebona ngokuqhutshwa kokhetho elizweni iZimbabwe Electoral Commission (ZEC) zibikwa zibiza imihlangano labahleli bamaphephandaba lemisakazo zibatshela ukuthi kumele bakhiphe njani indaba eziphathelane lokhetho.

Iziphathamandla lezi zihlangane labahleli bephephandaba leIndependent leleStandard ngeviki edluleyo kwathi lamuhla bahlangane labahleli beFinancial Gazzette. Abe ZEC baxwayisa abahleli ukuthi bengathathi hlangothi njalo bengaphong’ sola linhlanganiso mahlayana nje. Linhlanganiso ithi phansi kwesivumelwano esilotshelwane phakathi kweZanu PF leMDC eSouth Africa, kungumthwalo wayo ukuthi itshele abezindaba ukuthi bakhiphe indaba zabo njani eziphathelane lokhetho.

Abasiki bebunda batshele iStudio 7 ukuthi abahleli bamaphephandaba azimeleyo baxwayiswa ukuthi batshiyane lomkhuba wokusola iZEC ngendlela eqhube ngayo uhlelo lokubhaliswa kwamabizo alabo abazavota, bekhuthazwa njalo ukuthi benikeze wonke amabandla ithuba lokuthi azwakale, kungela kubandlulula.

Umgchinisihlalo wenhlanganiso ekhankasela ukusungulwa kwemisakazo kanye lamaphephandaba azimeleyo iMISA, uMnu Loughty Dube utshele uNtungamili Nkomo weStudio 7 ukuthi laloba esekela umqondo wokuxwayisa abahleli ukuthi bengabandlululi, usola indlela iZEC eqhuba ngayo loluhlelo.

Ezinye Indaba ZeStudio 7...

XS
SM
MD
LG