amalinks wokungena

Breaking News

Inkokheli Yezombusazwe Iqalisa Umkhankaso Wokhetho, Ijikelane Aqatha, Ihlambazana


Abezombusazwe baqhubekele phambili ngemikhankaso yabo yokhetho oluzayo ngempelaviki kwaba lokuchothozana lokweyisana phakathi kwalabo abazancintisa.

Umongameli Mugabe nguye oqale lumdlalo ngeviki edluleyo esithi uMnu Simba Makoni yisifebe, kwathi ngoMgqhibelo wamthethisa esithi ufana lexoxo elizivuthelayo lizama ukuzilinganisa lenkomo. Uchaze uMnu Morgan Tsvangirai njengomdlwane weMelika leBhilithane.

UMnu Tsvangirai yena uchaze uMugabe njengomncindezeli omubi kakhulu osebulele ilizwe, kwathi uMakoni yena wathi uMugabe ngumuntu ofuna ukuzenza unkulunkulu.

Bejikelana aqatha nje, uTsvangirai loMugabe bebesemihlanganweni labasekeli babo bebakhuthaza ukuthi bebavotele kukhetho oluzayo.

Ukuchothozana yinto evamileyo kwezombusazwe ikakhulu nxa kulokhetho kodwa ingcwethi ecubungula ezombusazwe uMnu Themba Dlodlo uthi ukujikelana aqatha okwenzakeleyo lokhu bekuyikuthethisana okusegchekeni. Uthi lokhu kwenzeka ngoba labo abazancintisa bengelalutho oluqotho abangalwethembisa uzulu engabavotela.

Ezinye Indaba ZeStudio 7...

XS
SM
MD
LG