amalinks wokungena

Breaking News

Ilihlazo Imbiko Kasikomitshi Wabalinda Amajele; Kutsho Ingchwethi Zombusazwe


Embikweni osusolwe ngabanengi, usikomitshi wabalinda amajele, uMnu Paradzayi Zimondi uxwayise amapholisa ukuthi avotele umongameli Robert Mugabe kukhetho oluzayo.

Ekhuluma eHarare izolo, uMnu Zimondi uveze ukuthi kasoze akhonze uMnu Simba Makoni kumbe uMnu Morgan Tsvangirai benganqoba kukhetho oluzayo, esithi engahle atshiye umsebenzi. UZimondi uthi kunganqoba uTsvangirai kumbe uMakoni uzahle egijimele epulazini lakhe eyelivikela ukuthi lingathathwa nguhulumende omutsha oyabe sekhona.

Abamabandla aphikisayo bona basole kakhulu imbiko le besithi iyisiqiniseko salokhu abahlala bekutsho ukuthi amabutho asekela iZanu PF.

Phambilini kokhetho luka2002 obengumkhulu wamasotsha, uMnu Vitalis Zvinavashe laye ukhiphe umbiko ophose ufane lokaZimondi esithi amasotsha ayengasoze avumele uMnu Tsvangirai ukungena embusweni ngabe kuyikuthi unqobile.

Limbiko layo yasolwa ngabanengi. Ingchwethi ecubungula ezombusazwe uMnu Rejoice Ngwenya utshele uNtungamili Nkomo weStudio 7 ukuthi imbiko ka Zimondi ilihlazo njalo kalalo ilungelo lokutshela amapholisa ukuthi avotele bani.

Eziney indaba ZeStudio 7...

XS
SM
MD
LG