amalinks wokungena

Breaking News

Amalunga Ethu Kayisiyomidlwane YeEU; Kutsho ILaw Society


Inhlanganiso emela amagqhwetha elizweni eye Law Society of Zimbabwe (LSZ) silandule imbiko yokuthi isebenzelana nsitha lamazwe eEurope Union (EU) ukuthi isebenzise amalunga ayo ukuthi abone ngokuqhutshwa kokhetho elizweni emele lawamazwe.

Limbiko ibiphume kuphephandaba likahulumende eleSunday Mail izolo. Uhulumende sekubeke kwacaca ukuthi kasoze anxuse amazwe awe EU ukuthi azebona ngokuqhutshwa kokhetho. Amazwe eEU leZimbabwe yingwe lenja, akubonanwa.

EleZimbabwe lixotshe uMnu Pierre Schori elizweni, obekhokhela iqula leEU ebelizebona ngokhetho luka2002 ngemva kokuba limethese icala lokungena elizweni ngeVisa yezethekeli kukanti yena elande ukhetho.

Umphathintambo wezemithetho uMnu Patrick Chinamasa laye ugchona iLSZ esithi singenela kwezombusazwe.

Umkhokheli walinhlanganiso uNkosikazi Beatrice Mtetwa utshele uNtungamili Nkomo weStudio 7 ukuthi limbiko kayisiyo yeqiniso. Uthi laloba ekuvuma ukuthi inhlanganiso yakhe sihambise amabizo amalunga ayo acela imvumo yokuthi abona ngokuqhutshwa kokhetho kuhulumende uyakulandula ukuthi bakwenza lokhu bemele amazwe awe EU.

Ezinye Indaba ZeStudio 7...

XS
SM
MD
LG