amalinks wokungena

Breaking News

Ukonakala Komnotho Welizwe Kuphazamisa Imikhankaso Yokhetho


Ukuqonga kwentengo yamafutha ezimota kubikwa kulakho ukuphazamisa labo abaphakathi kokukhankasela ukhetho oluzayo abangehluleka ukwethekelela izigaba zabo elizweni jikelele. Ukuqonga kwalintengo kubikwa sokubangele ukuqonga kwentengo yezinye izinto ikakhulu ukudla okugoqela imphuphu, uchago, amafutha okuphekisa, isinkwa sona esikhanya sisilela kwezinye indawo, lokunye.

UBrenda Moyo WeStudio 7 ukhulume lengcwethi kwezomnotho uMnumzana Clemence Sibanda laye oncintisa ukhetho esigabeni seMatobo South ekucele le MDC elikhokhelwa nguMnumzana Arthur Mutambara. USibanda uchasisa ngobunzima obubhekane lozulu jikelele ngalesisikhathi.

Kunjalo nje umsekeli kaMongameli wecele leli uMnumzana Gibson Sibanda uthi laloba kulobunzima lobu elizweni umnkankaso wabo wokhetho uqhubeka kuhle sibili laloba kungaba lezikhubeko ezilutshwana lapha lalapho.

Ezinye Indaba ZeStudio7...

XS
SM
MD
LG