Ekuqhubekeni kwemikhankaso yokhetho icele le MDC elikhokhelwa nguMnumzana Morgan Tsvangirai lilungiselela i rally yalo enkulu ngalimpelasonto e White City Stadium ko Bulawayo. Kodwa likhala ngokuphazamiseka komsebenzi wokwazisa abasekeli balo ngali rally. Umsekeli wesikhulumi salelicele uNkosazana Thabitha Khumalo uthi abamanye amabandla bahamba bekhipha amaphepha abo abahamba bewanamathisela endaweni ezehlukeneyo zedolobho.
Kunjalo nje icele elikhokhelwa nguMnumzana Arthur Mutambara lithi aliboni abasekeli balo besiba lohlupho lokwazi ukuthi uphawu lwabo yiluphi. Nangu umsekeli kanobhala jikelele walelicele, uNkosikazi Priscilla Misihairambwi Mushonga echasisa.