amalinks wokungena

Breaking News

Indawo Zokuvotela Ziyangezelelwa KoBulawayo


Inhlanganiso ye Zimbabwe Electoral Commission, i ZEC, isiyengezelele indawo zokuvotela, ama polling stations ko Bulawayo esuka ku 207 esiya ku 241.Lokhu kuvele emhlanganweni obuphakathi kwecele le MDC elikhokhelwa nguMnu. Morgan Tsvangirai leziphathamandla ze ZEC ko Bulawayo lamuhla ekuseni.

Icele leli likhonona ngokuthi indawo zokuvotela, ikakhulu emadolobheni lapho elithi lilosekelo olunengi khona, zinlutshwana, okungabangela ukuthi inengi labantu lehluleke ukuvota ngelanga lokhetho, njalo beselihambise loludaba emthethwandaba ophezulu.

UMnu. Doubt Nyoni, ongumqoqi wenhlelo zalelibandla esigabeni sako Bulawayo, obekulo umhlangano, utshele uSithandekile Mhlanga we studio 7 ukuthi lokhu bengasuthisekanga ngenani leli njalo bazabuyela ku zec lenani abalifunayo kusasa.

Ezinye indaba ze studio 7…

XS
SM
MD
LG