amalinks wokungena

Breaking News

Ukuhlukuluzwa Kwabasekeli BeMDC Kuyaqhubeka


Ukuhlukuluzwa lokwethuselwa kwabasekeli bebandla leMDC kuyaqhela endaweni ezinengi zelizwe phambilini kokhetho, kutsho iZimbabwe Human Rights NGO Forum leZimbabwe Peace Project.

Kugwalo lwayo elukhiphe lamuhla i Zimbabwe Human Rights NGO Forum ithi abantu abangu 336 bahlukuluzwa njalo bephulelwa ilungelo labo lokuthi bahlangane labanye njalo bekhulume bekhululekile ngezombusazwe ngoZibandlela, kwathi abahlanu batshaywa kakubi ngabasekeli beZanu PF eMbare.

Linhlanganiso ithi abezombusazwe, ikakhulu abebandla leZanu PF kumele batshiyane lodlakela bekhankase ngokuthula njalo bengethuseli uzulu. I Zimbabwe Peace Project yona ithi abasekeli beZanu PF endaweni ezifana leHarare, Midlands, Manicaland, lesigabeni seMandebeleni baphitsheke ngokuhlukuluza abasekeli beMDC labasekeli bakaMnu Simba Makoni.

UMnu Qhubani Moyo oncitnisa efuna ukumela i Insiza North edaleni lephalamende ekuMDC ekhokhelwa nguMnu Arthur Mutambara oke wahlukuluzwa ngabasekeli beZanu PF kuviki edluleyo utshele uNtungamili Nkomo weStudio 7 ukuthi kenelisi ukukhankasa ekhululekile ngoba kulokwethuselwa okukhulu kulesisigaba ngabsekeli beZanu PF.

Ngakwelinye icele umsekeli wesikhulumi seMDC ekhokhelwa nguMnu Morgan Tsvangirai uNkosazana Thabitha Khumalo uveze ukuthi laloba udlakela lunganeno nxa kuqathaniswa leminyakeni edluleyo, abasekeli bebandla lakhe bahlezi behlukuluzwa ngamapholisa.

Ezinye Indaba ZeStudio 7...

XS
SM
MD
LG