Icele leMDC elilikhokhelwa nguMnu. Morgan Tsvangirai lithi liobufakazi bokuthi akhona amapholisa lamasotsha asebevotilea.
Abakubutho lamapholisa bayavunyelwa ukuvota sekusele amalanga amalutshwana ukuthi kwenziwe ukhetho. Kodwa lelicele lithi akhona amasotsha athi wona sevotile. Lokhu kwenzakala ngemva kokuba inhlanganiso ebona ngokuqutshwa kokhetho, iZEC, isithi izasebenzisa indizamtshina yohlobo lwehelicopter, ukuthwala amavoti endaweni lapho imigwaqo engasalunganga khona njengase Tsholotsho, eMzarabani lase Gokwe lapho izulu eladiliza khona imigwaqo.
Icele leMDC kaTsvnagirai lithi amasotsha asevotile avote kungelabantu abakhangela ukuthi akulakuqilibezela njalo amasotsha la kawagxamuzanga izandla einkini enza ukuthi benelise ukuvota njalo. Ingcwethi ecubungula ezomthetho, uMnu. Nicholas Mathonsi utshele uChris Gande weStudio 7 ukuthi kulula kakhulu ukuthi kuqilibezelwe ngamavoti la athiwa ngama postal votes.