Sekuqhamuke ukufuthelana phakathi kwequla leSouth Africa labazohlola ukhetho. Leli qula, elikhokhelwa nguMnu. Kingsley Mamabolo libunjwa ngabantu abangamatshumi amahlanu lambili abangamalunga amabandla ezombusazwe lezinye inhlanganiso.
Amalunga ebandla eliphikisayo, ele Democratic Alliance, D.A, ethule imbiko ethi vele ukhetho lwangomgqibelo alusoze luqutshwe ngemfanelo. ID.A ithi izabelo zehlukaniswe ngendlela yokuthi iZanu PF ingqobe njalo indawo zokuvotela zilutshwana emadolobheni kulasemaphandleni. Lokhu kubikwa kungaphathanga kuhle uMnu. Mamabolo othi iD.A yephule izivumelwano zeSADC zokuthi kungakhulunywa ngokhetho kungakavunyelwana.
Isikhulumi sebandla leCommunist Party lalo elikuqula leli, uMnumzana Castro Ngobese, utshele uChris Gande weStudio 7 ukuthi kumele abahlola ukhetho baqale bamelele lwedlule yikho bezaveza abakubonile.